Hver er persónan?

Næst er gömul mynd úr safni ónefnds larsens....hver er persónan?

Smelltu á myndina til að stækka

Hver er maðurinn

Við ætlum að byrja nýjan lið í þessu bloggi sem kallast Hver er maðurinn?  Við setjum inn gamlar myndir og þið getið giskað inni á comments á hver er maðurinn.

Fyrsti maðurinn er stórglæpamauður eins og reyndar margir Lassar og sést greinilega á myndinni að hann hefur upplifað magrgt misjafnt á ævinni..........Hver er hann??

Smellið á myndina til að fá hana stærri.

 

 

Nýjustu fréttir

Viðbrögðin hafa verið fín til þessa.  Magnea er búin að hóta að baka heila frystikistu áður en við mætum  (guð hjálpi okkur öllum)  og Gunnar er víst að athuga með einhvern sal í frystihúsinu ( milli flökunarvélar 3 og 5) þar sem mögulega væri hægt að hafa kaffi eða eitthvað.   Óstaðfestar fréttir herma að Guðmundur Larsen hinn eini sanni ætli að mæta og ætli sér að keyra vestur.  Við höfum í því tilefni haft samband við lögregluna á bæði Akureyri og á Egilsstöðum og munu þeir leiðbeina honum í rétta átt.  Hallgrímur Óli og Þura er orðnir bloggvinir okkar og ef einhverjir fleiri eru að blogga þá endilega gerast bloggvinir okkar.
Ef einhverjir luma á myndum eða jafnvel einhverjum skemmtilegum sögum þá endilega senda okkur á netfangið okkar [e-mail]  og við setjum það svo hér inn.

Athugasemdir

Munið að undir hverri færslu er hægt að lesa athugasemdir sem hafa verið skráðar, þið smellið bara á athugasemdir og þá getið þið lesið það sem hefur verið skrifað.

Ný síða fyrir Larsen ættarmótið

Jæja, nú er búið að flytja Larsen síðuna á stað þar sem hægt er að skrá í gestabók eða commenta án þess að skrá sig inn. Hér geta allir tjáð sig og hvetjum við ykkur endilega til að láta vita af ykkur.

Eins væri gaman að vita af þeim síðum sem þið kunnið að hafa (bloggsíður, myndasíður og fleira), þannig að  við getum deilt því með öllum.

Kveðja,
Björg og Hemmi

Ættarmót

Takið helgina 12.-14.júní frá

Sæl öll

 

Í ár eru liðin 90 ár frá fæðingu ömmu og afa (Bjöggu og Finna) og af því tilefni langar okkur að hittast á æskuslóðum í Bolungarvík í sumar. Hugmyndin er að vera þar helgina 12.-14. júní og eyða hluta af laugardeginum og laugardagskvöldinu 13. júní saman, en það er einmitt dánardagur ömmu. Því miður komast aldrei alveg allir en vonandi sjá sem flestir sér fært að koma enda fyrirvarinn nokkuð góður. Hver og einn myndi sjá sér fyrir gistingu en ég ætla að reyna að panta fyrir okkur mat og sal svo við getum verið öll saman á laugardagskvöldinu.

 

Til að miðla upplýsingum höfum við Hemmi sett upp þessa síðu og vonumst við til að þið verðið dugleg að kíkja hingað og jafnvel skrifa nokkrar línur, gaman væri ef þið mynduð kvitta í gestabókina til að geta fylgst með hverjir hafa frétt af þessu. Eins má skrifa comment við færslurnar. Mig langar til að biðja ykkur að hjálpa mér að láta þetta fréttast með því að segja ykkar fólki frá þessari síðu. Eins væri gaman ef þið ættuð myndir sem hægt væri að setja á síðuna að þið mynduð senda okkur þær á [e-mail]

 

Takið endilega þessa helgi frá og fylgist með en ég mun miðla frekari upplýsingum hingað síðar.

 

Bestu kveðjur

Björg Jónsdóttir